Víkingur Ólafsvík Lengjubikarmeistari B-deildar
09. maí 2010 klukkan 21:50
Víkingar urðu í dag Lengjubikarmeistarar eftir 4-2 sigur á Völsungi en liðin mættust í Boganum Akureyri í dag. Mörk Víkings skoruðu þeir Edin Beslija, Þorsteinn Már Ragnarsson(2), og Eldar Masic. Árangur liðsins er hreint út sagt frábær í mótinu en liðið tapaði ekki einu stigi og fékk á sig 7 mörk og skoraði 26 í sjö leikjum.
Ekki er hægt að biðja um betri byrjun á mótinu en liðið er nú búið að krækja í titil og komið áfram í Visa-bikarinum. Fyrsti leikur sumarsins fer svo fram á heimavelli á næstu helgi þar sem liðið mætir KV og má búast við hörku leik. Það er ljóst að liðið ætlar sér stóra hluti í sumar og nú er bara að sjá hvort strákarnir fylgi eftir frábærum árangri á undirbúningstímabilinu.
 |
Hérna má sjá liðið eftir leikinn í dag og 150.000 kr. ávísun sem liðið fékk í sigurverðlaun (Mynd: Einar M. Gunnlaugsson). Vikingurol.tk óskar liðinu og Víkingum nær og fjær til hamingju með árangurinn.
