Víkingur Ólafsvík

Aðalvalmynd

Leikmenn mfl. Víkings

www.vikingurol.is

Tenglar

Gagnasafn

Aleksandrs Cekulajevs semur við Víking

15. febrúar 2010 klukkan 09:10

Víkingur samdi í gær við sóknarmanninn Aleksandrs Cekulajevs en hann hefur verið til reynslu hjá félaginu í u.þ.b. 10 daga. Aleksandrs kemur frá Lettlandi og spilaði áður með FkJurmala-VV. Aleks sem er 25 ára gamall hefur undanfarnar tvær helgar spilað æfingaleiki með Víkingum og skorað í þeim 6 mörk. Þrjú gegn Ými frá Kópavogi og þrjú gegn Ægi frá Þorlákshöfn í gær sunnudag.

Aleksandrs flaug í morgun til Lettlands þar sem hann mun dvelja fram að mánaðarmótum eða þar til hann snýr aftur til Íslands og mun því hefja æfingar að nýju. Hann mun styrkja framlínu liðsins til muna enda um snöggann og jafnframt klókann framherja að ræða.

Á myndinni til hliðar má sjá Aleks og Jónas Gest formann knattspyrnudeildar eftir undirskrift samningsins.

Smelltu á mynd til að sjá stærri