Víkingar tryggðu sér sigur í 2. deild árið 2010 þegar liðið sigraði Hött frá Egilsstöðum á Vilhjálmsvelli í dag. Með sigrinum fóru Víkingar í 52 og þegar tvær umferðir eru eftir hefur liðið 8 stiga forystu á BÍ/Bolungarvík sem sigraði Víði 4-2 í dag. Þar sem aðeins tvær umferðir eru eftir geta Vestfirðingarnir ekki náð Víking að stigum og mun því bikar fara á loft næstu helgi þegar Víðir frá Garði kemur í heimsókn í Ólafsvík.

Vikingurol.is óskar öllum Víkingum nær sem fjær hjartanlega til hamingju með þennan glæsta árangur. Þegar þetta er skrifað sitja strákarnir á flugvellinum á Egilsstöðum og bíða eftir flugi til Reykjavíkur. Gleðin í flugstöðinni er ósvikin og biðja allir að heilsa og vonandi sjáum við sem flesta áhorfendur á Ólafsvíkurvelli næstkomandi laugardag þar sem bikar mun fara á loft eftir deildarmeistaratitil í fyrsta skiptið!

Lifið heil og áfram Víkingur Ólafsvík!

Leikurinn er hafinn hér á Egilsstöðum!

Góðan daginn allir saman. Ég, Helgi Kristjánsson er með textalýsinguna í dag í forföllum Gunna, sem reyndar er hér á svæðinu sem varamarkvörður. Það hefur lítið gerst í leiknum hingað til og engin færi litið dagsins ljós ennþá.

Dómari leiksins er Jóhann Óskar Þórólfsson og honum til aðstoðar eru þeir Miralem Haseta og Vilhelm Adolfsson.

14.mín. Brynjar Gauti fékk olnbogaskot í andlitið og þurfti að fara utan vallar til aðhlynningar. Hann er búinn að hrista þetta af sér og er kominn inná aftur. Þetta er baráttuleikur sýnist mér og hart tekist á.

18.mín. Fyrirgjöf frá BK hafnar á kolli varnarmanns Hattar sem skallar á eigið mark og markvörður þeirra ver boltann í horn svífandi í loftinu.

22.mín. Mér finnst Víkingur vera svona smám saman að ná undirtökunum. Rétt í þessu varði Einar frá Garðari  Grétarssyni úr dauðafæri þar sem ég var búinn að bóka mark. Klassa markvarsla. Höttur á aukaspyrnu við vítateigshornið vinstra megin.

23.mín. Höttur að komast í 1-0. Sigurður Donys Sigurðsson skorar beint úr aukaspyrnunni yfir varnarvegginn. Einar náði ekki til boltans. 

 
24.mín. Þorsteinn með skot himinhátt yfir. Víkingarnir að hressast og sækja stíft þessar mínúturnar. Við eigum aukaspyrnu á þeirra vallarhelmingi þeirra og hún rennur útí sandinn.  

27.mín. Brotið á Edin við endalínuna. Kristján Óli skýtur á markið og markvörðurin ver.


28.mín. Gleðitíðindi.1-1. Þorsteinn Már Ragnarsson fékk sendingu frá BK og tók hann á lofti og smellhitti boltann sem söng í netinu.

Byrjunarlið Vikings er svona: Einar Hjörleifsson, Brynjar Kristmundsson hægri bakv., Sindri Már Sigurþórsson v.bakv., Tomasz Luba og Artjoms Gonchar miðverðir. Á miðjunni spila Kristján Óli Sigurðsson, Brynjar Gauti Guðjónsson, Eldar Masic og Þorsteinn Már Ragnarsson. Frammi eru þeir Edin Beslilja og Aleksandrs Cekulajevs. Varamenn: Gunnar Örn Arnarson, Suad Begic,Heiðar Atli Emilsson, Fannar Hilmarsson og Dominik Bajda. Helgi Óttar Hafsteinsson er í leikbanni.

41.mín. Ég gleymdi gleraugunum heima og þess vegna á ég svolítið erfitt með að skrifa en þið takið viljann fyrir verkið, er það ekki?  Rétt áðan  átti einn Víkingurinn þrumuskot rétt framhjá markinu, sá ekki hver. Við sækjum meira en þeir og Þorsteinn er ógnandi. Höttur hefur einungis tapað einum leik hér í sumar í deildinni og þeir berjast grimmt, en mér finnst við samt líklegri.

Það er kominn hálfleikur og staðan er 1-1. Við höfum átt nokkur færi sem ég náði ekki að segja frá og liðið er að leggja sig fram. Það er ekkert hægt að kvarta yfir fyrri hálfleiknum.

Veðrið hér á Egilsstöðum er gott, sólarlaust, 18 stiga hiti, smá gjóla og toppfótboltaveður. Hér er ekki mikið af áhorfendum kannski 100 manns. Þjálfari Hattar Jón Páll er í leikbanni í dag og situr hér við hliðina á mér að horfa á leikinn.

Þá er seinni hálfleikur hafinn. Víkingarnir spila í bláu búningunum og byrja með boltann.
´
Gústi, markvörðurinn heitir Þórir Guðnason.

52.mín. Lítið gerst hingað til. Heiðar Atli  farinn að hita upp. Nú eigum við horn og annað horn. BK tekur hornið Stutt horn og fyrirgjöf. Edin skallar framhjá úr teignum.

55.mín. Artjoms tekur aukaspyrnu á vallarhelmingi Hattar, en markv. grípur boltann. Aleks brunar upp hægri kantinn og vinnur horn. BK tekur hornið, skallað frá og boltinn sendur til baka inní teiginn. MAAAAAARRRRK. Aleksandrs Cekulajevs skorar af stuttu færi. 1-2 fyrir okkur.

58.mín. Aukaspyrna á sama stað og Höttur skoraði úr í fyrri hálfleik. Þorsteinn liggur meiddur eftir og Gunni leiðir hann af velli. Kristján Óli tekur spyrnuna og skaut beint í vegginn. Verið að  spreyja Þorstein sem er haltur. Þorsteinn búinn að ná sér og kemur inná.

63.mín. Við sækjum stíft þessar mínútur og boltinn er lítið inná okkar vallarhelmingi. Hef á tilfinningunni að þriðja markið gæti komið fljótlega. Sindri Már með góða fyrirgjöf á Aleks fyrir utan teig en Aleks skýtur hátt yfir. Við erum að spila 4-3-3 sýnist mér. Veit einhver stöðuna í hinum leikjunum í deildinni?

69.mín. Nú á Höttur aukaspyrnu á okkar vallarhellmingi. Hætta skapaðist en Einar náði boltanum. Mér finnst Vikingsliðið spila mjög ákveðið og eru baráttuglaðir. Áhuginn fyrir leiknum skín úr hverju andliti. Nú eigum við aukaspyrnu við hægra vítateigshornið ca 25 m.frá marki. Bk skaut framhjá.

75.mín. Fannar að koma inná fyrir Kristján Óla. Fannar fer á hægri kantinn og Aleks færir sig yfir á þann vinstri. Aukaspyrna á miðjum velli, brotið á Fannari. BK tekur hana. Skallað frá. Brotið á Brynjar Gauta á vinsti kanti. Artjoms tekur spyrnuna. Boltinn of innarlega og markv. grípur boltann.

80. mín. Höttur með aukasp. skallað frá. Höttur komnir með boltann inní teiginn hjá okkur og Sindri reddar málunum. Horn sem við eigum. Skallað frá. 6 mín eftir. Aleks kemur útaf og Dominik inn.

85.mín. Fannar með skot sem er blokkarað í horn. BK tekur hornið og Brynjar Gauti skallar framhjá.

87.mín. Brynjar Gauti reynir skot að 45 metra færi en boltinn framhjá markinu. Markv. var of framarlega. Höttur í sókn, og BK hreinsar. Höttur farinn að sækja mikið upp vinstra megin en vörnin leysir málin auðveldlega. Brynjar Gauti fær olnbogaskot og liggur nú í vellinum. Það blæðir úr höfðinu á honum og hann gengur útaf vellinum þar sem loka þarf sárinu. Guðný, engar áhyggjur af honum.

90.mín. Brynjar Gauti þarf að fara af velli og þarf sennilega að sauma hann. Bega kominn inná fyrir hann.

90.mín. Stórsókn hjá Víking. Dominik kemst upp vinstra megin og gefur á Þorstein sem snýr af sér varnarmann og skýtur á markið og en hittir Fannar og markið opið fyrir aftan hann og þaðan berst boltinn til Dominik sem skýtur á markið og boltinn fer í Hattarmann og horn er dæmt. Hornið tók BK og hitti kollinn á Edin sem skallaði yfir markið .

Dómarinn blæs til leiksloka. Sigurinn er okkar 1-2. Þessi úrslit þýða það að við eru 2.deildarmeistarar árið 2010. Tveir bikarar komnir í hús á árinu, B-lengjubikarinn og 2.deildin. Ég gæti trúað því að Mótanefndin eða fulltrúi þeirra muni mæta til Ólafsvíkur í næsta leik gegn Víði og afhenda okkur sigurverðlaunin á heimavelli og þess vegna eiga allir stuðningsmenn Víkings Ó að mæta á völlinn næsta laugardag í Ólafsvík.

Nú er Víkingur Ó komið með 52 stig í deildinni og metið í 12 liða deild er 57 stig sem ÍR á. Tveir sigurleikir í viðbót myndu slá það met. Nú er liðið búið að spila 21 deildarleik í röð án taps og skora í 36 deildarleikjum í röð.

Takk fyrir þeir sem fylgdust með.  

Það var blíðskapar verður í Ólafsvík þegar heimamenn í Víking tóku á móti Hamarsmönnum frá Hveragerði í dag. Ólafsvíkurvöllur skartaði sínu fegursta og voru aðstæður til knattspyrnuiðkunnar eins og best verður á kosið, sól og örlítill andvari frá Norð-Austri.

Leikurinn fór fjörlega af stað og strax á 3. mínútu leiksins fengu heimamenn aukaspyrnu þegar brotið var á Artjoms Goncars rétt fyrir utan vítateig. Kristján Óli Sigurðsson tók spyrnuna og fyrna fast skot hans fór rétt yfir þverslánna og Björn í marki Hamars.

Þrátt fyrir góða byrjun beggja liða létu marktækifærin á sér standa en á 29. mínútu var Helgi Óttarr Hafsteinsson nálægt því að nýta sér mistök Björns í marki Hamars sem kastaði boltanum beint á Þorstein Már Ragnarsson í framlínu Víkings. Þorsteinn lagði boltann út á Helga en Björn náði að verja skot Helga og bjargaði því sem bjargað var.

Eins og fyrr segir var lítið um opin marktækifæri og einkenndust tilraunir beggja liða af skotum fyrir utan teig sem rötuðu oftar en ekki á ramman. Hættulegustu færin komu eftir föst leikatriði en á 37. Mínútu varði Björn í marki Hamars stórglæsilega í tvígang eftir hornspyrnu heimamanna. Fyrst skot Kristjáns Óla af stuttu færi og svo bakfallspyrnu Þorsteins en að lokum tókst varnarmönnum gestanna að koma boltanum út úr teignum. 

Fátt markvert gerðist það sem eftir var fyrri hálfleiks og var staðan því 0-0 þegar Ingvar Örn Gíslason dómari flautaði til leikhlés. Strax í upphafi seinni hálfleiks vildu heimamenn fá víti þegar þeir töldu að brotið hefði verið á Þorsteini inn í vítateig. Ingvar dómari var ekki á sama máli og fengu heimamenn hornspyrnu sem þeim tókst ekki að nýta. Víkingar settu mikla pressu á Hamarsmenn í kjölfarið en þrátt fyrir ágætar tilraunir tókst þeim ekki að koma knettinum í netið.

Víkingar fengu hættulegri færi í síðari hálfleik og eitt af þeim fékk ALeksandrs Cekulajevs á 62. mínútu. Þorsteinn Már sendi þá góða sendingu inn fyrir vörn Hamars þar sem Aleks var mættur en skaut knettinum yfir af stuttu færi. Á 78. Mínútu átti Einar í marki Víkings svo glæsilega stungusendingu á Edin Beslija sem fór illa með ákjósanlegt færi og skaut knettinum yfir markið. Tveimur mínútum síðar dró til tíðinda þegar fyrirgjöf Artjoms Goncars endaði í marki Hamars en Helgi Guðnason varð fyrir því óláni að breyta  stefnu knattarins með fyrrgreindum afleiðingum.  Víkingar þar með komnir með forystu og stutt eftir af leiknum.

Víkingar fengu færi til að bæta við en Björn í marki Hamars var vel á verði auk þess sem sóknarmenn Víkings voru langt frá sínu besta í dag. Leiknum lauk engu að síður með sigri heimamanna sem tróna á toppi deildarinnar með 49 stig.

 

              

Leik lokið með sigri Víkinga 1-0. Gunnar Þakkar fyrir sig og minnir á næsta heimaleik sem er gegn Víði þann 11. september!

85. mín: Edin í dauðafæri, skallinn yfir. Algjört dauðafæri, enn og aftur erum við að fara illa með færin....Einar á tánum og kýlir boltann frá markinu eftir fyrirgjöf.

83. mín: Heiðar Atli með hörku skot sem markvörðuinn ver í horn og uppúr horninu átti Edin hörku skot sem fór rétt yfir markið.

80. mín: Víkingar að ná forystu, Artjoms Goncars átti góða fyrirgjöf og mér sýndist Fannar ná að slæma smettinu í boltann og inn fórann. 1-0!

78. Einar með frááábæra sendingu inn fyrir vörn gestanna á Edin sem slapp í gegn og fór afskaplega illa með gott færi. Sannkallað dauðafæri en mikið rosalega fór hann illa með það, reyndi að chippa boltanum yfir markvörðinn en það mistókst hraparlega.

74. mín: Það er lítið í gangi hjá okkar mönnum þessa stundina, sem betur fer er ekki mikið gangi hjá gestunum líka en við verðum að gíra okkur upp og setja mark á þá.

67. mín: Edin með rosalegt skot en markvörður Hamars var vel staðsettur.

65. mín: Tvöföld skipting, Fannar og Heiðar koma inn fyrir Heiðar og Aleks.

62. mín: Aleks í dauðafæri en setur boltann yfir í ákjósanlegu færi, hefði átt að gera miklu betur, fékk sendingu frf´Þorsteini og var nánast einn á móti markverði en skotið yfir. Staðan enn 0-0!

60. mín: Aleks að fá gult spjald fyrir peysutog held ég. Edin við það að sleppa í gegn en missir boltann frá sér!

56. mín: Enn eitt hornið sem Víkingar fá.. Skalli sem fer rétt framhjá eftir gott horn frá Kristjáni Óla.

53. mín: HOrn sem Kristján tekur og boltinn of langur. Innkast inn í teig og klafs en Hamar nær að hreinsa.

51. mín: Stórsókn hjá Víkingum og svo skot frá Aleks.. Hreint alveg ótrúlegt að þetta hafi ekki endað með marki.

49. mín: Hornspyrnan var of löng og við brunum nú sókn.

Leikurinn er hafinn á ný. Við viljum fá víti hérna eftir brot á Þorsteini, tvö skot að marki með mjög stuttu millibili. Svo horn sem er hreinsað burt og nú hornspyrna sem þeir eiga.

45. mín: Horn sem við eigum.. Edin með hörku skalla að marki sem fer hátt yfir markið. Hornið var fínt hjá Aleks.. .Ingvar Örn flautar nú til leikhlés.

42. mín: Þorsteinn með skot að marki sen það er framhjá, Edin nú að skora en dæmdur brotlegur. Fyrir mjög litlar sakir verð ég að segja. Dæmir á að Edin hafi verið með sólan of hátt.

41. mín: Gestirnir nú með hornspyrnu sem okkar menn hreinsa frá.

37. mín: Markvörður Hamar að verja tvisvar með stórkostlegum hætti, fyrst frá KRistjáni Óla og svo næst gegn Þorsteini. Við sækjum enn...

35. mín: Leikurinn aðeins róast, finnst eins og við mættum setja aðeins meira púður í okkar leik. En sjáum til, það vantar bara herslu muninn.

29. mín: Helgi nálægt því að skora eftir herfileg mistök hjá markverði Hamars sem kastaði beint á Þorstein sem lagði boltann á Helga sem átti fínt skot sem markvörður Hamars rétt varði og bjargaði því sem bjargað varð. Horn sem við eigum.... Kristján Óli með skot sem hreinlega sleikti stöngina fjær. Víkingar búnir að eiga þrjú mjög góð færi núna ´stuttum tíma, þetta hlítur að fara detta!

24. mín: Horn sem Kristján tekur og skalli sem fer rétt framhjá. Hamarsmenn bruna nú í sókn sen okkar menn verjast vel. Hamar á nú innkast við hornfánann okkar hægra meginn. Skot að marki sem endaði í innkast.

15. mín: Helgi Ótarrlegi með viðstöðulaust skot sem fór framhjá. Hamarsmenn eiga nú innkast á sínum vallahelming. Edin með sendingu innfyrir en hún ratar ekki á samherja og við vinnum boltann aftur á miðjunni og Aleks við það að sleppa í gegn en markvörður Hamars er fyrri til.. eins og sjá má þá er mikið að gerast og ég næekki að fara úr einu færi fyrir í annað, þe. í skriftarmennskunni.

11. mín: Aleks með góða fyrirgjöf sem Þorsteinn teigir sig í knöttinn en nær ekki að stýra honum að markinu og knötturinn fer framhjá.

10. mín: Edin með ágætisskot sem Björn í marki gestanna ver og heldur vel... núna stungusending inn á Þorstein sem var ekki langt frá því að ná knettinum af varnarmenni Hamars en við erum strax búnir að vinna boltann aftur og byggjun nú upp sókn.

7. mín: Víkingar stjórna ferðinni en rétt í þessu áttu Hamarsmenn prýðisskot sem var alls ekki langt frá því að enda í netinu en skotið átti Vigfús Geir Júlíusson.

1. mín: Leikur er hafinn í Ólafsvík. Við eigum nú aukaspyrnu rétt við vítateigshornið vinstra meginn þar sem brotið var á Artjoms. Kristján tekur spyrnuna og skot Kristjáns er rétt yfir þverslánna á marki gestanna.

Byrjunarlið beggja liða má sjá með því að smella hér.

Góðann og blessaðann daginn... Gunnar Örn heilsar áhorfendum á þessu líka fallega laugardegi en hér í Ólafsvík skín sólin glatt og parketið á Ólafsvíkurvelli er klárt fyrir knattspyrnuiðkunn. Það er tæpur klukkutími í að dómarinn flauti leikinn af stað þar sem Víkingar taka á móti Hamri frá Hveragerði. Hér fyrir neðan má sjá mynd sem var tekin upp á Bæjarmýri fyrir ofan Heilsugæslustöðina en ég og Alli netó gerðum okkur ferð og náðum nokkrum góðum myndum. 

              

Okkar menn gerðu góða ferð til Blönduósar síðustu helgi þar sem liðið vann góðan útisigur á heimamönnum í Hvöt 0-1. Mark Víkings gerði markaskorarinn Þorsteinn Már Ragnarsson sem hefur verið funheitur í sumar og skorað 13 mörk í deildinni. Með sigrinum tryggðu Víkingar sér sæti í fyrstu deild að ári þar sem Höttur frá Egilsstöðum tókst ekki að krækja í stig á móti BÍ/Bolungarvík. Eins og alkunnugt er hafa Víkingar ekki tapað leik á tímabilinu og hafa nú 5 stiga forystu á liðið í öðru sæti þegar fjórir leikir eru eftir af mótinu. Það eru því tólf stig í pottinum og nóg eftir. 

Á morgun koma Hamarsmenn frá Hveragerði í heimsókn en þar er á ferð lið sem hefur verið að berjast fyrir lífi sínu í deildinni. Fyrir síðustu umferð hafði Hamar ekki unnið leik síðan 14. Júlí þegar liðið bar sigurorð af Aftureldingu en fram að þeim leik hafði ekkert lið sótt þrjú stig á Varmárvöll. Með sigri á Víði í síðustu umferð tókst Hvergerðingum að spyrna sér örlítið frá botninum en ætli þeir sér að tryggja áframhaldandi veru sína í deildinni þurfa þeir fleiri stig. Liðið er nú 5 stigum frá fallsæti og má búast við því að þeir komi ákveðnir til leiks. Varnarleikur Hamars hefur verið þeirra aðal akkilesarhæll í sumar þar sem liðið hefur ekki verið að skora mörg mörk. Hamar hefur fengið á sig 39 mörk sem gera 2 mörk að meðaltali í leik og er það næst versti árangur í deildinni. Aðeins botnliðið KV hefur fengið á sig fleiri mörk eða alls 41.

Víkingar hafa skorað í öllum 18 leikjum sumarsins eða alls 45 mörk sem gera 2.5 að meðaltali í leik. Auk þess hefur verið stígandi í varnarleik liðsins þar sem Einar hefur sjö sinnum haldið markinu hreinu og nú síðast gegn Hvöt þar sem hann varði m.a. vítaspyrnu með glæsilegum tilþrifum.

Allir leikmenn Víkings verða leikfærir þegar leikurinn hefst kl. 14:00 að undanskildum Brynjari Kristmundssyni sem tekur út leikbann vegna fjögurra áminninga. Fannar er orðinn leikfær eftir þrálát meiðsli aftan í læri og mun því koma inn í hópinn að nýju.

Að lokum vil ég hvetja áhorfendur til að mæta og öskra úr sér lungun þar sem þetta er næst síðasti heimaleikur og að sjálfsögðu viljum við kveðja 2. deild með stæl!

               


Víkingar tryggðu sér í dag sæti í fyrstu deild árið 2011 með 0-1 sigri á Hvöt frá Blönduósi í hörkuleik þar sem sigurmark Víkinga kom undir blálokin. Þorsteinn Már Ragnarsson skoraði sigurmarkið eftir að hafa sloppið í gegnum vörn heimamanna og lagt knöttinn snyrtilega framhjá Atla Jóhannssyni í marki Hvatar. Með sigrinum fóru Víkingar í 46 stig en Höttur sem fyrir leikinn var með 32 stig tapaði fyrir BÍ/Bolungarvík og því ljóst að þeir geta ekki náð Víkingum að stigum.

Mótið er hins vegar langt frá því að vera búið en liðið á nú fjóra leiki eftir í deildinni og ljóst að liðið má hafa sig allt við til að landa efsta sæti deildarinnar. BÍ/Bolungarvík fylgir Víking fast á eftir og því má ekkert gefa eftir í toppbaráttunni.

Víkingurol.is óskar öllum Víkingum nær og fjær til hamingju með þennan árangur og minnir um leið á næsta leik sem verður í Ólafsvík að viku liðinni gegn Hamri frá Hveragerði.

Mynd:(Liðið stoppaði á Staðarskála á heimleið, Gunnar Örn Arnarson)

                    

Leik lokið á Blönduósi þar sem Víkingar fóru með sigur af hólmi 0-1! Sanngjarn sigur af mínu mati og þeir hérna í vallarhúsinu á Blönduósi eru sammála mér enda höfðingjar heim að sækja. Verð að hæla þeim fyrir gestrisni og góðar móttökur. Víkingar fagna nú úti á velli!!!

93. mín: Hvatarmenn stálheppnir að fá ekki dæmda á sig vítaspyrnu því Þorsteinn var fifinn niður í teignum! Einar spark nú frá markinu!

90 mínútur komnar á klukkuna, við sækjum núna...  Artjoms með innkast frá hægri.. Sindri Már sem kom inná fyrir stuttu brýtur á varnarmanni og Atli sparkar frá markinu!

87. mín: KOMIÐ ÖLL SÆL OG BLESSSUÐ... MAAAAAAAAAAARRK! VÍKINGAR ERU AÐ SKORA! HVER ANNAR EN ÞORSTEINN MÁR RAGNARSSON! Sá ekki alveg aðdragandann en hann slapp innfyrir vörnina og setti boltann snyrtilega framhjá Atla í markinu! 0-1 Víkingum í vil!

83. mín: HOrnfrá hægri sem hvatarmenn hreinsa. Við byggjum upp sókn núna frá vinstri.. Hvatar-menn verjast vel...

80. mín:  Þorsteinn með skot að marki sem er víðsfjarri. Það er farið að blása enn meira hérna á Blönduósi en við byggjum nú upp enn eina sóknina hérna í síðari hálfleik. Við verðum samt að passa okkur á því að fá ekki á okkur skyndisóknir en við pressum heimamenn hátt uppi. Reyndar gerir Hvatar-mönnum erfitt fyrir að vindurinn blæs boltanum mun hraðar en venjulega.

79. mín: Fannar kemur nú inn fyrir Heiðar. Fannar fer á hægri kantinn en auk þess getur hann látið til sín taka í teignum!

72. mín: Hvatarmenn með skot sem er ekki fjarri lagi.. Einar kemur knettinum strax í leik og við brunum fram.

70. mín:  Enn eitt hornið sem við fáum, nú frá vinstri, heimamenn hreinsa og Einar setur boltann strax í leik. Eldar nú með sendingu inn, Helgi með sendingu á Aleks sem sendir fyrir á Heiðar sem á skot sem fer með jörðinni og ca. 2 metrum frmhjá markinu.

67. mín: Þorsteinn gerir sig klárann fyrir að koma inn... líklega fyrir KRistján sem hefur ekki alveg komist í takt hérna í síðari hálfleik. Júbb, mikið rétt. Kristján kemur út fyrir Þorstein.

66. mín: Heimamenn skipta um leikmann. Jón Kári Eldon kemur inn fyrir Hilmar Kárason.

65.  mín: Enn eitt hornið....  BK tekur það hægra megin..... heimamenn hreinsa!

61. mín: Við reynum að teygja á heimamönnum. vörnin hjá Hvöt er sterk og vindurinn gerir okkar mönnum erfitt fyrir. Við eigum nú hornspyrnu......Stjáni með skot eftir hornið og boltinn í varnarmann og framhjá, annað horn....Heimamenn bjarga á línu og svo fyrirgjöf frá BK sem Atli grípur auðveldlega.

59. mín: Aukaspyrna á stórhættulegum stað. Artjoms og Stjáni standa yfir knettinum. Edin með skotið sem er alltaf laust og Atli grípur boltann auðveldlega.

54. mín: Helgi Óttarr með hörkuskot sem fer rétt framhjá og í hliðarnetið! Munaði litlu þarna. Brotið á Einari hinum megin og hann sparkar nú frá markinu.

53. mín: ANnað horn... núna frá vinstri..... tekið stutt, Artjoms svo með fyrirgjöf sem fer á fjær og aftur fyrir endalínu.

50. mín: Góður Gunnsteinn, bara vonandi að Víkingar setji sig í sama stand og Skytturnar. Við eigum horn núna frá hægri.... Hvatar-menn hreinsa!

47. mín: Þorsteinn er farinn að hita upp! Víkingar byggja nú upp sókn en við komum vel stemmdir til leiks í síðari hálfleik.

Liðin eru komin aftur á völlinn og dómarinn flautar nú leikinn af stað á ný!

Kominn hálfleikur á Blönduósi þar sem leikar standa 0-0! Okkar sterkari að mínu mati en Hvatarmenn hafa einnig átt sína sjensa. Veðrið setur auðvitað sinn svip á leikinn en vindurinn er mikill og kuldinn eftir því. Það er reyndar hætt að rigna svo það jákvætt! Það er jú gaman að minnast á það mínir menn í Arsenal eru 3-0 yfir í hálfleik gegn spútnik liðinu Blackpool!!!!

45. mín: Þorsteinn er á bekknum, er ekki alveg frískur, er búinn að vera glíma við flensu síðustu daga og Ejub ákvað að eiga hann inni. Hann svaf alla leiðina í rútuni og ég er ekki viss um að Ejub geti notað hann. Svo erum við með Fannar á bekknum sem er tæpur, Dominik tæpur einnig, Sindra ferskann og gamla manninn hann Suad Begic sem gæti líklega hlupið tvö Reykjavíkurmaraþon :)

42. mín: Kristján Óli með skot sem hátt yfir... Artjoms núna með glórulausa fyrirgjöf og Atli í marki Hvatar sparkar núna frá marki sínu.

EINAR VEEEEEEEEEEEEEEEEEEEER! !!!!!!!!!!!!!!!!!!!!!! Einar ver vítaspyrnuna sem hann hafði reyndar fengið á sig. Einar gerðist brotlegur að mati dómarans en Einsi svaraði bara fyrir sig og varði vítið, sem var reyndar í lakari kantinum.

39. mín: Hvöt að fá vítaspyrnu..... Einar til varnar!

34. mín:  Við eigum nú aukaspyrnu á hættulegum stað... Kristján Óli átti afleitt skot sem fór í varnarvegginn. Við erum að spila ágætlega. Ég vil nú ekki ganga svo langt og segja að við höfum spilað illa á móti Aftureldingu. Það voru einfaldlega miklar breytingar í þeim leik. En við erum ákveðnir núna og eru mjög vel inn í þessum leik.

31. mín: Fyrsta snertingin hans Aleks að bregðat honum rétt í þessu en hann hefði með góðu móti geta komist inn fyrir vörn heimamanna en eins og fyrr segir þá var fyrsta snertingin hans arfaslök! Við eigum nú horn sem BK tekur......Ekkert verður úr horninu!

Byrjunarlið Víkings: Einar í markinu, í vörninni standa, Brynjar Kristmunds, Tomasz, Gauti og Artjoms. Á miðjunni eru Helgi, Eldar, og Edin. Á köntunum eru Heiðar og Stjáni en einn frammi er Aleks.

27. mín: Einar nú að grípa vel inn í en Einsi kemur aftur inn í liðið eftir að hafa átt við smávæginleg meiðsli. Ejub er ekki alveg nógu sáttur við spilamennsku okkar manna þessa stundina og sendir strákunum tóninn. Mér finnst eins og við eigum örlítið inni .

23. mín: Heimamenn í ákjósanlegu færi en skot þeirra var langt framhjá markinu. Sjensinn var góður en skotið hefði mátt verið hnitmiðara, kemur sér reyndar mjög vel fyrir okkur. Við erum fljótir að vinna boltann af Hvatar-mönnum þegar við missum hann en nú byggjum við upp sókn frá hægri sem endar með því að Edin er dæmdur rangstæður.

20. mín: Edin  með samskonar skot og fyrir einni mínútu, Atli varði aftur en var nálægt því að missa knöttinn en náði að grípa hann áður en Aleks kom á fullri ferð.

19. mín: Edin með fínasta skot sem Atli heldur í rigninguni. Víkingar sækja nú grimmt og starfsmönnum vallarhússins á Blönduósi er alveg hætt að lítast á blikuna.

16. mín:  Við eigum nú aukaspyrnu á hættulegum stað sem Atli ver beint út í teiginn þar sem Aleks kom og fylgdi eftir en einhvernveginn í ósköpunum tókst Atla í marki Hvatar að verja með því að slæma fóti í knöttinn. Aleks var einn á móti Atla inn í markteig, þarna hefðum við átt að ná forystu! Aukaspyrnuna tók Tomasz. Staðan enn 0-0!

12. mín: Já sæl öllsömul, gaman að sjá hversu margir eru að melda sig inn í dag. Veðrið hér á Blönduósi hefur oft verið betra, en hér er Norðann vindur og nú rétt í þessu var að byrja að rigna. Veðrið er hreinn viðbjóður Hreinn:) En strákarnir láta það vonandi ekki á sig fá. Hvatar-menn áttu nú aukaspyrnu á hættulegum stað sem fór í varnarvegginn og ég verð eiginlega að viðurkenna að ég öfundaði strákana ekkert alltof mikið, þe. þá sem stóðu í veggnum.

8. mín: Kristján Óli átti ágætis skot nú rétt fyrir tæpri mínútu síðan. Víkingar fara ágætlega af stað í leiknum og eiga nokkrar tilraunir sema hafa ekki borið árangur en betur má ef duga skal.

Leikurinn er hafinn hér á Blönduósi!!!

Víkingar heimsóttu Aftureldingu frá Mosfellsbæ  í leik sem frestað hafði verið vegna þátttöku Víkings í Visa-bikarinum. Heimamenn höfðu fyrir leikinn verið á góðri siglingu í deildinni og m.a. landað sigri gegn BÍ/Bolungarvík í síðustu umferð. Afturelding hefur átt góðu gengi að fagna á heimavelli í sumar og aðeins eitt lið hefur tekist að sigra þá þar.

               

Víkingar voru lengi í gang og máttu okkar menn þakka sínu sælasta að vera ekki tveimur mörkum undir áður en Brynjari Gauta tókst að koma okkur yfir þegar rétt rúmar tuttugu mínútur voru liðnar af leiknum. Ingólfur stóð í markinu í fjarveru Einars og framan af leiknum kom hann í veg fyrir að Afturelding skoraði með tveimur til þremur frábærum vörðslum. Eftir að við skoruðum markið fór mesta spennan úr okkar mönnum en miklar breytingar voru á liðinu og því ekki óvenjulegt að það hafi tekið smá tíma að slípa spilamennskunni saman.

Heimamönnum tókst svo að jafna metin þegar tvær mínútur voru komnar framyfir venjulegann leiktíma í fyrri hálfleik. Brynjar Gauti misreiknaði langa sendingu fram völlinn og eftir nokkrar misheppnaðar varnartilraunir var boltinn sendur út í teig þar sem miðvörður Aftureldingar var mættur og lagði knöttinn í netið, óverjandi fyrir Golla í markinu.

Víkingar komu mun ákveðnari til leiks í síðari hálfleik og því ljóst að Ejub hefur farið vel yfir stöðu mála í hálfleik enda spilamennskan langt frá því eins og hún gerist best. Víkingar stjórnuðu leiknum í síðari hálfleik en tókst ekki að brjóta á bak aftur þéttann varnarleik heimamanna. Afturelding freistaði þess að beita skyndisóknum en varnarmenn Víkings ásamt Golla í markinu stóðu sig með ágætum. Ef til vill hefðu stuðningsmenn vilja sjá aðra nálgun í leik okkar manna en mikið var um háar og langar sendingar. Það ber þó að hafa í huga að heimamenn lokuðu öllum svæðum á sínum helming og erfitt  var stinga boltanum inn fyrir vörnina sökum þess hve aftarlega þeir lágu.  Það verður þó ekki tekið af okkar leiknmönnum að baráttan var til staðar allan tíman og gáfum þeir ekkert eftir.

Uppskeran var að lokum eitt stig sem færir liðinu nær markmiði sínu sem er að komast upp um deild og hafði Ejub þetta segja í viðtali við fotbolta.net í lok leiks. „Ég er ekki sáttur en eitt stig er betra en ekki neitt. Þetta var öðruvísi leikur en við höfum spilað, Afturelding spilaði agaðann varnarleik og vörðust með 9 mönnum. Við vorum kannski ekki alveg tilbúnir og náðum ekki gæða fyrirgjöfum og ekki gæða skotum til að brjóta múrinn. Ég tek samt ekkert af Aftureldingu, þeir gerðu þetta bara mjög vel. "

Næsti leikur liðsins er gegn Hvöt frá Blönduósi og verður sá leikur næstkomandi laugardag kl. 14:00. Nái Hattarmenn ekki að sigra BÍ/Bolungarvík geta okkar menn með sigri tryggt sér sæti í 1. deild að ári. Víkingurol.is verður að sjálfsögðu með beina lýsingu frá leiknum og getur fólk því fylgst með frá fyrstu mínútu.

 

 

 

 

 

                

Leik að ljúka hérna á Varmárvelli! Leiknum lýkur með 1-1 jafntefli. Næsti leikur er á Blönduósi næstkomandi laugardag kl. 14:00! GUnnar Þakkar fyrir sig í kvöld!

86. mín: Lítið eftir hérna á Varmárvelli, okkar menn eru mun líklegri en heimamenn en núna liggur Aljaz eftir meiddur en það fer hver að verða síðastur til að skora mark í þessum leik.

82. mín: ALjaz með hörku skot af löngu færi sem markvörður Aftureldingar ver vel.. Þorsteinn með hörku sprett, sendir á Stjána sem er of lengi að athafna sig og varnarmenn komast í milli

80. mín: Sindri kemur inn fyrir Aleks. BK fer upp á kant og Sindri í hægri bak!

75. mín: Okkar menn fá nú hornspyrnu... BK tekur.... Markvörður heimamann grípur og kemur knettinum í leik!

68. mín: HOrnspyrna sem við eigum.... Markvörðurinn kýlir boltann afturfyrir og annað horn....þung sókn af okkar hálfu en við náum ekki að nýta okkur þetta, allaveg ekki sem komið er. Varamenn okkar eru nú að hita upp, stilla sér upp í rjóðri og míga hver á fætur öðrum.. ekki það að það hafi eitthvað með leikinn að gera, bara smá útúr dúr.

66. mín: Kristján Óli með skot sem markvörður heimamanna ver vel. Við voru búnir að eiga margar tilraunir þangað til Stjáni átti gott skot sem markvörðurinn gerði vel í að verja.

62. mín: Afturelding á nú aukaspyrnu á hættulegum stað... spyrnan fer í varnarvegginn og yfir markið. Horn sem Afturelding á....boltinn fer aldrei inní og nú er markspyrna og Kristján kemur inn á fyrir Heiðar Atla.

59. mín: Aleks með skot sem fer rétt yfir.. boltinn barst út úr teig og Aleks var þar á góðum stað og átti lúmskt skot sem var ekki langt frá því...! Sýnist Kristján Óli vera gera sig klárann!

58. mín: Ingólfur að verja vel í markinu eftir ssnarpa skyndisókn Aftureldingar.. þeir fá horn og það kemur skalli sem fer hátt yfir.

55. mín: Okkar menn eiga aukaspyrnu á ágætum stað. Brynjar og Edin standa við boltann... Spyrnan fer í varnarmann og við fáum hornspyrnu í kjölfarið. .... Mikil barátta í teignum og við fáum innkast. BK tekur langt innkast og .. nei, ekkert verður úr þessu. Markspyrna frá marki heimamanna.

49. mín: Heiðar dæmdur rangstæður... hann hefur ekki verið að finna sig í dag en vonandi að þar verði breyting á. Afturelding verst mjög aftarlega og með mörgum mönnum.

Víkingar koma mun betur stemmdir út í seinni hálfleik. Þeir eru búnir að vera í sókn frá því dómarinn flautaði leikinn af stað áðan.

Seinni hálfleikur er hafinn!

47. mín: Arnór Þrastarson að jafna metin eftir frekar slæm mistök í vörn okkar mann. Brynjar Gauti missti knöttinn yfir sig og í kjölfarið náum við ekki að hreinsa í þrígang. Endaði með því að Arnór fékk góða skotstöðu og skoraði af stuttu færi.

37. mín: Afturelding skiptir um leikmann. Hörður Már Kobleinsson fer útaf og inn kemur Arnór Snær Guðmundsson. Við eigum nú annað horn! Gauti með skalla sem er laust og svo Þorsteinn sem skallar knöttinn yfir af stuttu færi.

31. mín: Okkar menn eru að koma sér betur inn í leikinn og svo virðist sem að við séum að ná betra valdi á spilinu okkar. Það eru margar breytingar á liðinu frá því í síðasta leik og því kannski ekki óeðlilegt að menn séu pínu ryðgaðir í byrjun leiks.

23. mín: Þorsteinn með skalla rétt yfir eftir frábæra sendingu frá BK sem spilar að vanda í hægri bakverði í dag.
21. mín: Víkingar hafa ekki enn átt markvert færi það sem af er og eru mjööög seinir í gang! Við eigum nú horn  mmmmmmmmmmmmaaaaaaaaaaaaaaaaaaaaaaaaaaaaaaaaaaaaaaaaarrrrrrrrrk! Þvílíkt mark hjá fyrirliðanum Brynjari Gauta Guðjónssyni! Hann kom á 100 km hraða og stangaði boltann eins og hrútur og netið rifnaði næstum úr markinu! 0-1 og það er byrjað að rigna á mig sem aðra áhorfendur í Mosfellsbæ!

Góða kvöldið góðir áhorfendur. Vil biðjast afsökunar á þessari seinkunn sem var í boði Símans. Netlykillinn minn hefur komist í Koko Puffsið í morgun og var í tómu bugglesi. En ég er tengdur í símann minn núna og er good to go! Það er skemmst frá því að segja að Afturelding er búin að vera mikl betri fyrstu 10 mínútur leiksin. Okkar menn eru hreinlega heppnir að vera ekki búnir að fá 1-2 mörk á sig! En hvað um það!!! Staðan er 0-0!